SAGA DEFENDER

Saga Defender hefst árið 1947 við Red Wharf Bay á Velsku eyjunni Anglesey. Þá teiknaði Maurice Wilks útlínur í sandinn af því sem átti eftir að verða eitt merkilegasta ökutæki allra tíma.

Innan árs var fullbúinn Land Rover kynntur fyrir heiminum. Einstakt hönnunarverk, með getu í fyrirrúmi. Léttar álplötur, stuttar fram- og afturhæðir og val á fjórhjóladrifi.

Í öllum nema elstu gerðunum var einfalt verkefni að skipta á milli framhjóladrifs og fjórhjóladrifs með rauðum og gulum handföngum á gírkassanum. Kerfi sem virkaði við allar aðstæður. Þetta er forveri hins einstaka Terrain Response kerfis Defender í dag.

Innan fárra mánaða var meistaraverk Wilks bræðra komið í sölu víða um heim. Fljótlega fylgdi breska konungsfjölskyldan inn í hóp notenda. Fyrsti sérhannaði State Review Land Rover með upphækkuðum palli að aftan var notaður til að heilsa mannfjöldanum í fyrstu heimsferð Elísabetar II drottningar og Filippusar prins árið 1953.

Alla sína langlífu ævi sást Elísabet II drottning gjarnan við stýri á Defender á landareignum konungsfjölskyldunnar, þar sem Defender þjónar konungsfjölskyldunni enn í dag.

Ökutækið var hugsað til að styðja við nýja kynslóð ævintýramanna til að takast á við allar aðstæður sem jörðin býr yfir. Hið goðsagnakennda Oxford og Cambridge Far Eastern leiðangursverkefnið vakti heimsathygli þegar sex háskólanemar óku 18.000 mílur frá London til Singapúr á árunum 1955-56.

Á svipaðan hátt ferðuðust bretarnir George og Jinx Rodger 10.000 mílur á sjö árum í Station bílnum sínum þar sem þau skráðu niður ættbálka og dýrategundir í útrýmingarhættu í Afríku. Kanadíski líffræðingurinn Bristol Foster og dýralífslistamaðurinn Robert Bateman fóru í 40.000 mílna heimsreisu. Ásamt fleirum ferðum.

Þessar afrekssögur lögðu grunninn að senu utanvegaksturs. Þátttakendur í Camel Throphy - sem minnti helst á heimsmeistaramót í 4x4 - hvöttu til þróunar á fullkomnu og fjölhæfu ökutæki, hvort sem var fyrir erfiðustu leiðangrana eða styttri ferðir.

Defender gerði þetta að alþjóðlegu fyrirbæri og stendur enn vörð um arfleiðina sem tákn ævintýra, torfæruaksturs og mannúðar.

Þetta var hægt vegna þessa að frammúrskarandi afköst voru í hávegum höfð í hönnunarferlinu. Það á enn við í dag. Hver útgáfa hefur sett markið hærra og sett viðmið sem aðrir eiga erfitt með að fylgja.

Lengra hjólhaf gerði upprunalegu útgáfuna notendavænni og bætt var við pallbílum og Station Wagon útgáfum.Station Wagon kom með hinum frægu „alpine lights“ gluggum á hliðum þaksins sem hleyptu meira ljósi inn í bílinn og bættu sýn á þröngum fjallvegum.

Vélarnar urðu öflugri og skilvirkari en bíllinn var áfram fyrst og fremst hagnýtt farartæki. Fyrsti aukabúnaðurinn sem bauð upp á þægindi innihélt lítið annað en þak- og hurðarfóðringar. Einn eiginleiki hefur þó staðist tímans tönn – enn í dag er hægt að fá Defender með endingargóðum og auðhreinsanlegum gúmmímottum.

Á fyrsta áratugnum var 70 prósent framleiðslunnar flutt út til 150 landa. Enginn bíll hafði áður skilið eftir sig jafn mörg dekkjaför víðs vegar um heiminn. Fyrir ótal marga um allan heim var þetta jafnvel fyrsti bíllinn sem þeir sáu á ævi sinni.

Herútgáfur voru hluti af útgáfum í boði og innblástur að nafni Defender sem síðar var notað á allar útfærslur bílsins. Borgarútgáfur bílsins sinntu líka mikilvægum hlutverkum m.a. Sem dráttarbílar og sjúkrabílar.

Defender hefur í gegnum tíðina tekið þátt í kappakstri, þá er honum breytt í öflugan keppnisbíl af mótorsport sérfræðingunum hjá Bowler.

Þessi einstaki 4x4 varð sífellt eftirsóttari. Series II frá 1958 bjó yfir meiri útlitsþokka og kynnti til sögunnar línuna á hliðum bílsins sem enn einkennir Defender í dag.

Slíkt aðdráttarafl kom bílnum á hina glæsilegustu staði. Á sjöunda áratugnum voru stórstjörnur á borð við Marylin Monroe, Steve McQueen og Paul McCartney ljósmyndaðar með þessu sigursæla meistaraverki Wilks-bræðra.

Nútíma þægindi komu fram með Series III frá 1971, nýjungar á borð við mýkt á mælaborði og staðsetning mælaborðs fyrir aftan nýtt stýri litu dagsins ljós. Þá varð einnig V8 vél í boði fyrir þá sem sóttust eftir betri afköstum.

County útgáfan frá 1980 var enn ein sönnun þess að þessi 4x4 var meir en bara vinnutæki. Hún skar sig úr með nýjum litum og límmiðum að utan og bauð í fyrsta sinn upp á tauáklæði á sætum.

Ári síðar komu Ninety og One Ten úgáfurnar með framhlið sem hélt sama útliti allt til loka framleiðslu á hinum klassíska Defender. Þær komu einnig með túrbódísilvél, endurbættri innréttingu og auknum þægindum og nýrri fjöðrun.

Defender nafnið var kynnt árið 1990 og endurspeglaði fullkomlega hvernig viðskiptavinir um allan heim upplifðu þennan einstaka bíl: Traustur, áreiðanlegur, sterkur og útsjónasamur. Hannaður til að takast á við veginn.